Midwife na-sandwich sa 2 truck, patay

MANILA, Philippines - Nasawi ang isang midwife matapos maipit sa dalawang truck habang ang una ay tumatawid sa Caloocan City kahapon ng umaga.

Dead-on-arrival sa Presi­dent Diosdado Macapagal Memorial Medical Center sanhi ng matinding pinsala sa ulo ang biktimang si Richel Nepomuceno, 35, ng Acero St., Brgy. Tugatog, Malabon City. Sumuko naman ang sus­pek na si Edilberto Yambao, Jr., 41, ng Nueva Ecija.

Sa imbestigasyon ng Ca­lo­ocan City Traffic Enforce­ment Unit, naganap ang insi­dente dakong alas-5:55 ng umaga sa kahabaan ng Ge­neral San Miguel St., Calo­ocan City, habang tumatawid ang biktima nang mahagip ng minamanehong trailer truck (RGN-412) ni Yambao.

Minalas pa ang biktima na naipit sa kasalubong na trailer truck ni Yambao na naging da­hilan upang madikdik ang ulo nito. (Lordeth Bonilla)