Binata nagbigti

MANILA, Philippines - Dahil sa iiwan na siya ng kanyang nobya para mag-abroad, minabuti na lamang ng isang binata na magpakamatay sa pamamagitan ng pagbi­bigti sa Malabon City kamakalawa ng gabi.

Nakilala ang nasawi na si Dante Opiana, 24.

Sa imbestigasyon ng Malabon City Police, alas-11 ng gabi nang makitang nakabigti ang biktima sa loob ng ka­nilang bahay ng   kaibi­gan nitong si Jessie Tacot, 33.

Ayon kay Tacot, bago magbigti ang biktima ay nag-iinuman sila sa loob ng bahay ng huli kung saan nasabi nito ang kan­yang sama ng loob dahil paalis na ang kanyang nobya.

Nagpaalam sandali si Tacot upang kumuha ng yelo at bumili pa ng alak subalit nang bumalik ito ay nakita na lamang ang biktima na nakabigti ng sinturon.

Agad na kinalag ni Tacot sa pagkakabigti ang biktima at dinala sa na­sabing ospital pero hindi na rin umabot pang buhay. (Lordeth Bonilla)