P42.5-M para sa mga scholar sa QC

MANILA, Philippines - Nagkaloob si Quezon City Mayor Feliciano “SB” Belmonte Jr. ng scholarship assistance na umaabot sa P42.5 milyon sa may 5,000 scholars na naka-enroll sa Quezon City Poly­technic Univer­sity Binigyang diin ni Belmonte ang kahalagahan ng naturang programa ng lunsod upang bigyan ng oportunidad ang mga kabataang nais makatapos ng pag-aaral at makatulong na mapa­unlad ang komunidad.

Anya, kasama din sa QCPU scholars ang mga mag-aaral na kumukuha ng vocational at technical education.

Sa kasalukuyan, may kabuuang 10,885 scholars ang nag­be­benepisyu sa ilalim ng Scholarship and Youth Development Pro­gram ng pamahalaang lokal na karamihan ay naka-enroll sa QCPU. Lahat ng city scholars ay may tina­tanggap na P1,500 tuwing semester, habang may dagdag na incentive na P2,500 sa kada semester ang may mataas na grado.   (Angie dela Cruz)