Developers sinisi rin sa baha

MANILA, Philippines - Bukod sa libu-libong pa­mil­yang iskuwater, sinisi rin ni Metropolitan Manila Develop­ment Authority Chairman Bayani Fernando ang mga developers ng napakarami na ngayong mga subdibisyon na isa pang malaking dahilan ng naganap na napakataas na pagbaha sa Kalakhang May­nila noong Setyembre 26.

Sinabi ni Fernando na tina­bunan na ng mga subdibisyon at maging ng mga malalaking pabrika ang dating mga pa­la­yan at ang mga natural na daluyan ng tubig sa tinatawag na “Marikina Valley” na binu­buo ng Quezon City, Marikina, Pasig City at Cainta, Rizal kaya naging napakatindi ng pagbabaha.

Noon anyang 1909-1937, maraming malalaking pagba­baha rin ang naganap sa Marikina Valley ngunit hindi ito gaanong nakaapekto sa mga mamamayan dahil sa duma­loy lamang ang tubig-ulan sa mga palayan at maraming daluyan ng tubig kaya agad na naitataboy ito patungong Laguna de Bay, Marikina River, Ilog Pasig na pawang malalalim pa hanggang sa Manila Bay.

Ngayon, ang naturang mga lugar umano ay punung-puno na ng mga subdibisyon na karaniwang tinatabunan ang mga ilog at sapa na ka­nilang dinidebelop at mga pabrika. (Danilo Garcia)