Dalaga nagbigti sa bahay na lubog sa baha

MANILA, Philippines - Nadiskubre ang hini­hina­lang pagpapatiwakal ng isang 19-anyos na da­laga sa loob ng kanyang bahay na lubog pa rin sa baha dahil sa masangsang na amoy na nag-uumpisa na itong maagnas at tuma­wag ng pansin sa mga ma­ngingisda, kama­ka­lawa ng hapon sa Muntin­lupa City.

Nakilala ang nasawi na si Christal Agupitan, tu­bong-Zamboanga City at naninirahan sa #234 San Guillermo St., Brgy. Puta­tan, ng naturang lungsod.

Sa ulat ng pulisya, da­kong alas-4:30 ng hapon nang madiskubre ng mga mangingisda ang bangkay sa loob ng bahay nito nang sundan ang mabahong amoy sakay ng kanilang bangka. Nakita ang biktima na nakabitin sa loob ng bahay gamit ang kable ng an­tenna ng telebisyon na ipi­nulupot sa leeg at isina­bit sa may kisame. Hinihi­na­lang may ilang araw nang patay ang biktima dahil sa naaagnas na ito.          

Nabatid naman sa im­bestigasyon na nakikipani­ra­han si Agupitan sa ama­in nito na si Florencio Mag­ramao matapos na ma­kipaghiwalay sa dating ka-live-in na si Mark Ivan Villanueva.

Lumikas naman sa evacuation centers ang pa­milya Magramao kasama na ang biktima nang pa­sukin ng tubig-baha ang kanilang bahay noong kasagsagan ng bagyong Ondoy ng Setyembre 26.

Sinabi naman ng ama­in ng biktima na hindi niya alam na bumalik pala sa kanilang bahay ang bik­tima at may ilang araw na nilang hinahanap na doon nga ito ay nagbigti.

May teorya ang pulisya na maaaring depresyon da­hil sa nangyari sa kan­yang relasyon ang nag­tulak sa biktima na kitlin ang sariling buhay ngunit hindi pa rin isinasaisantabi ang posibleng nagkaroon ng foul play sa insidente. (Danilo Garcia)