Oktubre 12 special working day sa Quezon City

MANILA, Philippines - Idineklara ng Malacañang na special working day sa Quezon City sa darating na Oktubre 12, Lunes, bilang sele­brasyon sa ika-70 taong anibersaryo nito sa ilalim ng Procla­mation Nos. 1908. Unang hiniling ng tanggapan ni QC Mayor Feliciano “SB” Belmonte Jr. na ideklarang special working day ang Oktubre 12 sa halip na isang non-working day. Si dating Pangulong Manuel Quezon ang nanguna sa pagtatatag sa lungsod noong Oktubre 12, 1939 sa ilalim ng nilagdang Commonwealth Act No. 502. Ang proklamasyon ay biglang pagkilala sa lunsod bilang inspirasyon at halimbawa ng isang epektibong lokal na pamahalaan, sa pinansiyal at dynamism at balanseng pangangasiwa sa kapaligiran. (Angie dela Cruz)