50 establisimento kinasuhan sa overpricing

MANILA, Philippines - Limampung estab­lisi­mento na sinasa­bing nagsamantala ngayong nasa ilalim sa State of Calamity ang bansa dahil sa over­pricing   ang kinasuhan ng De­partment of Trade and Industry (DTI).

Hindi naman inisa-isa ni DTI Undersec­retary Zenaida Mag­laya ang mga establi­simento na karamihan umano ay nasa mga lugar na ma­tin­ding hi­nagupit ng ka­lamidad. Sinabi nito na isinampa na nila sa mga korte ang mga kaso upang mapatawan ng mas mabigat na parusa ang mga negosyante dahil sa tanging pag­mu­­multa lamang ang ka­yang ipatupad ng DTI.

Sinabi rin ni DTI Secretary Peter Favila na mahaharap sa mul­tang P1 milyon at pag­ka­kulong ang sinu­mang mahuhuling la­labag sa “price con­trol”, habang paparu­sa­han naman ng P2 milyong multa at 15 taong pag­kakulong ang mga ma­huhuling nagsa­sa­gawa ng “hoard­ing” sa pana­hon ng kalamidad.

Nagbabala naman si Maglaya sa mga “laundry shops” na ka­bilang rin sila sa mga mapapatawan ng pa­rusa hindi lamang mga negosyante ng pag­kain matapos na ma­katang­gap ng mga sum­bong na tumaas ang kani­lang singil nga­yong panahon ng kalamidad.