Salvage victim natagpuan sa Maynila

MANILA, Philippines - Isang hindi pa nakikila­lang lalaki na hinihinalang biktima ng salvage ang iti­na­pon sa likod ng isang hard­ware sa Malate, May­nila, ka­hapon ng umaga.

Nangingitim ang mukha at may natuyong dugo sa ilong nang itihaya ang na­ka­­lugmok na biktimang may edad sa pagitan ng 35 hang­gang 40, may taas na 5’1’’ hang­gang 5’2’’, chubby, naka-t-shirt na blue at may tattoo na “Sputnik”.

Sa ulat ng pulisya, da­kong alas-6:15 ng umaga nang mapansin ng isang residente ang bangkay sa likod ng isang hardware sa P. Tuazon st., Malate.

Wala umanong nakaka­kilala sa biktima sa lugar. (Ludy Bermudo)