Seguridad sa Bar exams, Alay Lakad, kasado na

MANILA, Philippines - Ikinasa na ng Manila Po­lice District (MPD) ang se­guridad sa gaganaping Bar examinations ngayong linggo at Alay Lakad sa Kabataan. Sinabi ni MPD Chief Supt. Rodolfo Magtibay, nakapag talaga na sila ng sapat na bilang ng mga police per­sonnel para sa dalawang okasyon.

Kabilang sa mga siniguro nilang seguridad ay ang mga lalahok at organizers ng Alay Lakad sa Quirino Grandstand sa Luneta Park, sa Dela Salle University at sa kahabaan ng Taft Avenue kung saan ga­gawin ang bar examination simula ngayon hanggang sa huling linggo ng Setyembre.

Nilinaw naman ni Mag­tibay na bukod sa pagpa­patrulya ay nagpakalat na rin siya ng mobile crews sa na­sabing mga lugar.

Dahil dito kaya’t magpapa­labas na rin ng traffic advisory ang Manila Traffic District En­forcement Unit (MTDEU) para sa mga nabanggit na okasyon. (Gemma Amargo Garcia)