Caretaker nagpainom bago nagbigti

MANILA, Philippines - Mas ginusto ng isang caretaker ng isang bahay na pumanaw na masaya ang kanyang mga kaibigan makaraang magpainom muna sa isang videoke bar bago nito kinitil ang sariling buhay sa pamamagitan ng pagbibigti kahapon ng umaga sa Talon 5, Las Piñas City. Na­ kilala ang nasawi na si Ronnie Ramos, 35, caretaker ng bahay sa 35 Nimbus St., Moonwalk Village, Talon Nauna 5.

Nauna rito, niyaya ni Ramos ang ilan niyang kaibigan sa isang inuman sa naturang bahay at sa isang videoke bar. Madaling-araw na nang mag-uwian ang kanyang mga kaibigan pero nagpaiwan siya sa videoke bar.

Napag-alaman ng pulisya na nag-iisa na lamang sa buhay si Ramos dahil bukod sa ulila na sa mga magulang, wala pang kapatid at asawa kaya po­sibleng depresyon ang nagtulak para siya magpatiwakal. (Danilo Garcia)