MANILA, Philippines - Apat na pulis ang ipinatatawag ng Manila Police District-General Assignment Section dahil sa isang reklamo na kinotongan umano nila ang isang estud yante na sinita nila sa isang checkpoint sa Hermosa St., Tondo, Manila noong madaling-araw ng Agosto 22.
Inaasahang sisimulan ngayong araw na ito ng MPD-GAS ang imbestigasyon kina SPO1 Nestor Dagami, PO3 Roy Velano, PO1 Reynaldo Olivio Jr. at PO1 Aries Gonzalo na pawang nakatalaga sa Community Police Precinct-Hermosa ng MPD-Station 7.
Sinasabi ng biktimang si Jayson Garganera ng 1116 P. Burgos St., 10th Ave., Caloocan City na nakamotorsiklo siya at ang iba niyang mga kaibigan nang harangin at sila ng mga suspek sa naturang checkpoint dahil wala silang suot na helmet.
Kinumpiska umano ng apat na pulis ang P1,800 cash, cellphone at singsing ng biktima bago ito pinaalis. (Ludy Bermudo)