Declogging operations sa Quezon City, pinalakas

MANILA, Philippines - Higit pang pinalakas ng Quezon City government ang proyekto nito patungkol sa de­clogging ng drainage system sa lungsod upang maibsan, kung hindi man tuluyang ma­wala ang mga pagbabaha sa ilang lugar dito dahil sa walang puknat na pag-ulan.

Ito ay makaraang atasan ni QC Mayor Feliciano Bel­monte Jr. ang engineering de­partment ng lungsod na i-maxi­mize ang paggamit ng dala­wang bagong biling vacuum sewer jet machines para sa de­clogging opera­tions sa mga baradong man­holes at kanal na puno ng mga basura na siyang ugat ng pagbaha.

Naglaan ang QC govern­ment ng P34.1 million para sa declogging machines kung saan ang isang makina ay may kakayahan na maka­limas ng halos 5 cubic meters ng basura sa isang araw.

Bukod dito, inatasan din ni SB si City Engineering Depart­ment head Engr. Joselito B. Ca­bungcal na maglagay ng dagdag na inlets, desilting ng box culverts, dredging, rip-rapping sa mga creeks at drainage rehabilitation upang maibsan ang pagbaha lalo na sa mga lugar malalapit sa mga ilog. (Angie dela Cruz)