6-anyos dinugo sa daliri ng ex-convict

MANILA, Philippines - Dinugo ang kase­lanan ng isang anim na taong gulang na batang babae nang kandungin at daliriin umano ng isang 49-anyos na da­ting bi­langgo sa Tondo, May­nila, sa ulat kaha­pon.

Nadakip naman at ikinulong ng pulisya ang sus­pek na si Antonio Su­layban, residente ng Int. A Dagupan Extn., Ga­­galangin, Tondo mata­pos pormal na ireklamo ng labanderang ina ng bik­tima na hindi ibi­nunyag ang pangalan at resi­dente ng District 2 sa naturang lunsod.

Sa ulat ni SPO1 Ju­zemar Feleo ng MPD-Women and Children Concern Division, da­kong alas-12:30 ng hapon nang arestuhin ng mga barangay official at tanod ang suspek ha­bang naglalakad sa J. Planas Extn., Gaga­langin.

Nadiskubre lamang ang krimen nang pali­guan umano ng ina ang biktima at habang sina­sabi ang nangyari rito ay pumalag at umaray ang biktima. Nang alamin ay na­kitang nagdurugo ang ari nito kaya hini­mok na magkwento kung bakit ito nasu­gatan.

Sa salaysay ng bik­timang itinago sa panga­lang “Ineng”, grade 1 sa isang public school sa Tondo, inutu­san siya ng kanyang nanay na bumili sa tin­dahan dakonga alas-2:00 ng hapon ka­maka­lawa nang tawagin siya ng suspek at kinan­dong umano at ipinasok ang daliri umano ng suspek sa kaniyang ari.

Bukod pa rito, sinabi rin ng biktima na una na rin umano siyang kina­kandong ng suspek at hinihipo at dinadaliri sa kaniyang kaselanan sa hindi matandaang petsa.

Nabatid na labas-masok na sa Manila City Jail ang suspek at pina­kahuli ang paglaya nito noong 2008 kaug­nay sa paggamit ng iligal na droga.

Kilala umano sa lugar na adik sa shabu ang suspek at nilayasan na ito ng kaniyang asawa.

Nakapiit na sa MPD-WCCD ang suspek ha­bang hinihinaty pa ang medico legal certificate sa pagsusuri sa ari ng biktima. (Ludy Bermudo)