Tigil-pasada bigo sa Metro Manila

MANILA, Philippines – Hindi naging matagumpay ang isinagawang tigil-pasada ng Pinagkaisang Samahan ng mga Tsuper at Operators Nation­wide at kaalyado nito kahapon sa Metro Manila.

Sa Quezon City, wala man lamang nakitang stranded na mga pasahero dahil halos nor­mal lamang ang daloy ng mga sasakyan partikular sa Cubao area, Commonwealth at Que­zon Avenue at maging sa mga karatig lugar tulad ng San Juan, Mandaluyong, Pasig, Cama­nava area at Pasig area. Nag­ karoon pa nga nang pag­sisikip ng trapiko sa nabang­git na mga lugar dahil sa dami ng mga sa­sakyan na pumasada sa ka­sagsagan ang buhos ng ulan.

Kaugnay nito, sa Makati area, sumabay din ang Makati Jeepney Operators Association (MJODA) at Liga ng Trans­por­tasyon at Operators sa Pili­pinas (LTOP) sa tigil-pasada hindi dahil sumusuporta sa Piston kundi sila ay nagsagawa ng sariling pro­ testa para konde­nahin ang dobleng ha­laga ng bayarin sa huli ng mga driver na lumabag sa batas trapiko.

Kaugnay nito, isinigaw na­man ni Piston Secretary Gene­ral George San Mateo na ang gobyerno umano ang nasa likod ng pamamaril sa isang lider ng Piston sa Bicol habang nagsa­sagawa ng transport strike sa lalawigan kahapon. 

Nagsagawa ng tigil-pasada ang Piston kahapon nationwide upang kondenahin ang patuloy na pagtaas ng halaga ng pro­duktong petrolyo tulad ng ga­soline at diesel, ang mataas na halaga ng bayarin sa mga huli ng mga driver sa LTO at local govt. units at pagbasura sa oil deregulation law.

Habang ka­sag­sagan ang transport strike, nagsipagbaba ng halaga ng ga­soline at krudo ang ilang kompanya ng langis. Na­nguna ang Unioil sa pag­baba ng P4.50 kada litro ng gaso­lina at diesel at sinasabing marami pang kum­panya ng langis ang su­sunod dito. (Angie dela Cruz)