Double life sa misis: Habambuhay sa shabu tiangge operator

MANILA, Philippines – Habambuhay na pagka­kulong ang ipinataw ng Pasig City Regional Trial Court sa itinuturong operator ng kontro­bersyal na “shabu tiangge” na sinalakay ng pulisya noong Pebrero 2006 sa naturang lungsod.

Sa 32-pahinang desisyon ni RTC branch 154 Judge Abraham Borreta, pinatawan nito ng habambuhay na pag­ka­kulong si Amin Imam Bo­ratong dahil sa pagiging main­tainer ng shabu den na mata­tagpuan sa Mapayapa Com­pound sa Brgy. Sto. Tomas, Pasig City.

Hinatulan naman ng da­lawang bilang na habam­buhay na pagkakulong ang misis ni Boratong na si Sheryl Molera dahil sa mga kasong “maintaining of a drug den at pos­session of illegal drugs”. Pinagbabayad din ng korte ng P20 milyong danyos si Molera habang P10 milyon si Bo­ratong.

Matatandaan na sinalakay ng mga tauhan ng Philippine Drug Enforcement Agency (PDEA) at Philippine National Police-Anti-Illegal Drugs Spe­cial Operations Task Force (AIDSOTF) sa ilalim ni ret. General Ricardo de Leon ang naturang shabu tiangge noong Pebrero 10, 2006. Na­diskubre rito ang mala-tiang­geng tindahan na lantarang nagbebenta ng pake-pake­teng shabu habang pinapa­arkila rin ang mga bahay upang dito gamitin ang iligal na droga.

Umaabot sa 300 katao, ka­bilang na si Molera, ang na­aresto sa naturang operasyon ngunit nagawa nitong maka­pagpiyansa. Nadakip naman sina Boratong at Molera noong Nobyembre 21, 2006 sa Ma­kati City habang nagta­tago.

Ayon sa pangunahing saksi na si Samer Palao, dating kanang kamay ni Bo­ratong, inumpisahan nito ang operasyon ng shabu tiangge noong 2003 nang lumago ang puhunan buhat sa pagiging “small-time na drug pusher. Bumibili umano ito ng shabu sa halagang P800,000 kada kilo sa mga sindikatong Taiwanese at Tsino na kanya namang ikina­kalat sa mga tiangge sa Ma­payapa Com­pound sa F. Soriano street, Brgy. Sto. Tomas, Pasig City.

Sinabi pa nito na umaabot sa 10 kilo ng shabu ang na­ibebenta ng may 50 siste­mador sa naturang compound kada linggo.

Inakusahan pa nito ang lokal na pulisya ng Pasig City na nagbibigay ng proteksyon sa kanila at nag­papatrulya pa kung magkaka­roon ng bag­sakan ng iligal na droga upang matiyak na hindi ito maaantala.