1 pang 'Baklas Side Mirror Gang', timbog

MANILA, Philippines - Isa na namang miyembro ng “Baklas side mirror gang” ang nasakote ng mga operatiba ilang minuto matapos na bikti­mahin ang isang mamahaling sasakyan na pag-aari ng isang engineer sa lungsod Quezon, iniulat kahapon.

Kinilala ang suspek na si Felipe Naparot, 27, ng #114 Ara­neta Avenue, Brgy. Tatalon sa lungsod. Siya ay nadakip matapos na tirahin ang Toyota Innova model 2007 (ZHY-313) ng biktimang si Roderick Mar­quez, 34, ng Quezon City.

Sa ulat ng pulisya, si Na­pa­rot ay pinaniniwalaang kabi­lang sa mga unang grupo na nadakip ng awtoridad noong isang linggo na nambiktima sa Fortuner ng aktor na si Piolo Pascual.

Nangyari ang pagdakip kay Naparot nang pasukin nito ang garahe ng biktima at baklasin ang pares ng side mirror ng sasakyan nito, bago tuluyang tumakas.

Lingid sa kaalaman ng sus­pek ay nakita ito ng testigong si Runar Francisco at agad na ipinagbigay alam sa pulisya ng Station 7 na agad namang rumes­ponde at nasakote ito.

Nakapiit ngayon ang suspek sa himpilang ng pulisya habang inihahanda ang kaso ­laban dito. (Ricky Tulipat)