Riders magpo-protesta vs NoEl

MANILA, Philippines – Nagbanta kahapon ang grupo ng Motorcycle Philippine Federation (MPF) na ihaharang nila sa iba’t ibang lansangan ng Kalakhang Maynila ang humigit-kumulang sa 30,000 motorsiklo bilang protesta kapag ipinursige umano ng pamahalaan ang “No Election” (NoEl).

Nabatid na ang ban­tang isasagawang kilos-protesta sa kalsada ng na­turang grupo ay kaug­nay sa posible umanong pag­susulong ng “No Election” scenario sa darating na 2010 election

Ayon kay Jojo Me­dina, presidente ng MPF, ang biglaang pagbawi ng Total Information Management Corp. (TIM) sa kanilang partisipasyon sa poll automation sa 2010 ay isang senyales na hindi matutu­loy ang napipin­ tong hala­lan sa bansa.

Bagama’t panguna­hing layunin ng grupo ang pag­susulong ng safety measures sa mga guma­gamit ng motor­siklo, hini­kayat ni Medina ang buong motorcycle community na magpa-rehistro at makiisa sa darating na halalan.

Giit pa ni Medina na may kabuuang 486,000 sa buong bansa ang naka-rehistrong miyem­bro ng kanilang samahan na labis na tumututol para sa “term extension” ng mga opisyal ng ating pamaha­laan. (Rose Tamayo-Tesoro)