Parañaque inulan ng yelo

MANILA, Philippines – Umulan ng yelo o tina­tawag na “frozen rain”, ka­hapon ng hapon sa Para­ñaque City.

Nabatid na dakong alas-3 ng hapon nang unang si­mulang ulanin ng maliliit na yelo na kasing laki ng mga butil ng mais ang Marcelo Village ng naturang lungsod kasabay ng malalakas na kulog at kidlat.

Ayon sa mga residente, tumagal pa umano ng halos tatlong minuto ang pag-ulan ng nasabing yelo.

Ilang minuto pa ay ang palibot naman ng Paraña­que City Hall at San Antonio Village ang inulan naman ng naturang yelo na tumagal ng halos anim na minuto.

Ayon naman sa ilang mga residente, ito ang unang pagkakataon na inulan ng snow ang kanilang lugar kung saan nag-mistu­lang wonderland umano ang kanilang palibot. (Rose Tamayo-Tesoro)