MANILA, Philippines - Labinlimang kabataan ang sinasabing namatay mula sa 705 indibidwal na nabiktima ng sakit na dengue sa Quezon City mula noong buwan ng Enero hanggang Hunyo ng kasalukuyang taon.
Ayon kay Dra. Antonieta Inumerable, chief ng QC Health Department, mula Enero ng taong ito hanggang Hunyo ay sinasabing 10 barangay apektado ng dengue. Kabilang anya sa mga nasawi ay mula edad 15-anyos pababa .
Kabilang sa sampung barangay na pinamugaran ng mga lamok na may dalang dengue ay ang Barangay Payatas, Commonwealth, Holy Spirit, San Roque, Batasan, Fairview, E Rodriguez, at Tandang Sora
Gayunman, sinabi ni Inumerable na patuloy ang QC Health Department sa kampanya upang malabanan ang naturang sakit. Tanging ang kalinisan lamang anya ng katawan at kapaligiran ang susi para ito maiwasan. (Angie dela Cruz)