P2,000 incentive sa mga retiradong pulis sa Maynila, sinimulan na

MANILA, Philippines - Sinimulan na ni Manila Mayor Alfredo Lim ang pag­bi­bigay ng P2,000 monthly in­cen­tives sa mga retiradong pulis ng lungsod bunga na rin ng pag­papakita ng mga ito ng kanilang dedikasyon sa trabaho at pag­bibigay ng tapat na serbisyo sa publiko.

Sa ginanap na programa, sinabi ni Lim na ngayon lamang nakalikom ang city government ng sapat na pondo upang ma­ punan ang pagbibigay ng P2,000 kada buwan insentibo sa may 1,000 retiradong pulis. Alin­sunod naman ito sa ipi­ nasang ordi­nansa ng konseho ng Maynila.

Sinabi ni Lim na kung ma­ganda at maayos ang kolek­siyon ng buwis ng city govern­ment, nakatitiyak naman siyang tuluy-tuloy din ang pag­bibigay ng naturang in­sentibo sa mga retired police­men. Magkaka­roon lamang ng problema o ma­hihinto ito kung walang naka­handang pondo. (Doris Franche)