Patay nabuhay!

MANILA, Philippines – Matapos ideklarang dead-on-arrival ang isang 19-anyos na obrero na na­kuryente sa itinatayong gusali, ilang sandali lang ay muli itong nabuhay ka­hapon ng umaga sa Sam­paloc, Maynila.

Gayunman, nasa kri­ti­kal pang kondisyon at pa­tuloy na ginagamot sa University of Santo Tomas (UST) Hospital ang bikti­mang si Romnick Panga, binata, ng Egapol Cons­truction Company, tubong Dumaguete Province.

Batay sa imbestigas­yon ni SPO3 Severino Sa­gum ng Manila Police Dis­trict-Station 4, dakong alas-9 ng umaga nang ma­ganap ang insidente sa 3rd floor ng isang ginagawang 4-storey commercial and residential building sa 1605 Loyola St., Sampaloc.

Nabatid na habang iti­natayo ng biktima ang ma­laking bakal sa ikatlong pa­lapag ng gusali ay aksi­den­teng nadikit ito sa bukas na linya ng kuryente sanhi upang bigla itong ma­ngi­say. Mabilis itong   isinugod sa kalapit na UST Hospital ni Engr. Nick Policarpio at Toto Tuayon, ng Egapol Construction.

Agad umanong idinek­la­rang dead-on-arrival ni Dra. Christina Lagunilla ang biktima, gayunman si­nu­bukan pa rin itong i-revive at ilang sandali pa ay na­gulat sila na muling rumes­ponde ang katawan at muling nabuhay.

Matinding sunog sa ka­tawan ang natamo ng bik­tima na nilulunasan at ma­lubha pa rin ang kondisyon nito, ayon sa ulat. Patuloy pang tinututu­kan ng pu­lis­ya ang kaso at kung sino ang may pana­na­gutan sa pag­­kakakur­yente sa biktima.