MANILA, Philippines - Palaisipan sa mga awtoridad kung ano ang naging dahilan sa pagkakapaslang sa isang lalaki na natagpuang patay sa kanyang pinagtatrabahuan kahapon sa Quezon City.
Hindi na nagawa pang maisugod sa pagamutan ang biktimang si Ariel Ambawas, 20-taong gulang, dating guwardiya at residente ng Tondo, Manila.
Sa inisyal na ulat nina SPO1 Rodrigo Barrameda at PO3 Gregorio Maramag ng Quezon City Police District-Criminal Investigation and Detection Unit, natagpuan ang bangkay ng biktima bandang alas-6:50 ng umaga sa loob ng Carzone Quality Used Car sa 093 Edsa, Brgy. Philam sa Quezon City.
Unang nakita ang bang kay ng biktima na nakahiga at puno na ng dugo ang katawan dahil na rin sa tinamong tama ng bala ng cal. 38 sa kanyang ulo.
Mayroon umanong nakainuman ang biktima na humigit kumulang sa limang katao na maaring may kinalaman sa pangyayari. (Ricky Tulipat at Angie dela Cruz)