MANILA, Philippines - Naaktuhan sa bentahan ng iligal na droga ang apat na katao sa isang buy-bust operation sa Sampaloc, Maynila, kamakalawa ng gabi. Ipiniit sa Manila Police District-station 4 ang mga suspek na si Aldrin Javenall, 18, ng 602 A. H Lacson St, Sampaloc; Zady Moret, 48, binata ng 1223 Jhocson St, Sampaloc; Mayette Goria, 37, ng 607 AH. Lacson St., at Jonalyn Alfonso 21, dalaga ng 639 Int 10 Geronimo St, Sampaloc.
Nadakip bandang alas-6:30 ng gabi ang mga suspek sa kahabaan ng A. H Lacson Ave..
Nakumpiskahan sila ng limang sachets ng hinihinalang shabu. Hindi naman malinaw sa report kung sino ang drug pusher at buyer sa mga inaresto. (Ludy Bermudo)