Taga-nguso ng kidnap-for-ransom, arestado

MANILA, Philippines - Nalambat ng mga tauhan ng Quezon City Police ang isang miyembro ng kidnap-for-ransom group sa isinaga­wang operas­yon sa lungsod kama­kalawa.

Kinilala ni Senior Supt. Elmo San Diego, district director ng QCPD ang suspek na si Paul Clores, gumagamit din ng mga alyas na Poly at Apo­lonio at may kasong kidnap-for-ransom sa Tarlac.

Ayon kay San Diego, si Clores ang pangunahing taga-nguso o tagapagturo sa ka­nilang grupo kung sino ang kanilang magiging target na bibiktimahin sa pamamagitan ng pagpapang­gap na laborer ang isang construction worker.

Napag-alaman pa na ang grupo ng nadakip ay respon­sable sa pangingidnap sa mga negosyanteng Indian nationals sa northern part ng Luzon par­tikular sa Tarlac, Bayombong Nueva Vizcaya at maging sa Calabarzon.

Nadakip ang suspek ga­nap na alas-4 ng hapon sa may Veterans Hospital na ma­ta­tagpuan sa North Avenue, sa lungsod.

Sinasabing bilang laborer ay nagmamanman si Clores sa po­sibleng maging bik­tima na ma­dalas na duma­dalaw sa na­sabing ospital.

Tinangka pang tumakas ni Clores nang makita ang mga operatiba, ngunit agad din itong nasakote ng mga awtoridad. (Ricky Tulipat)