MANILA, Philippines - Timbog sa mga tauhan ng Station Anti-Illegal Drugs-Special Operation Task Force (SAID-SOTF) ang dalawang pinaghihinalaang drug pushers kabilang ang isang miyembro ng Bantay Bayan sa isinagawang drug operation, kamakalawa ng gabi sa Makati City. Kinilala ang mga suspect na sina Raymundo Sabagbag, 36, at ang miyembro ng Bantay Bayan na si Henry Mariano, 31, kapwa residente ng Dapitan St., Brgy. Guadalupe Nuevo, nabanggit na lungsod. Batay sa ulat , dakong alas-9:30 ng gabi nang maaresto ang mga suspect sa Brgy. Guadalupe Nuevo, Makati City. Nabatid na nagbunga ang pagkaka-aresto sa mga suspect matapos ang matagal ng pagmamanman sa mga ito kaugnay sa iligal nilang aktibidad. Isang poseur-buyer naman ang nagpanggap na bibili at nang iabot sa una ng mga suspect ang droga ay agad na dinakma ang mga ito ng operatiba. (Rose Tamayo-Tesoro)