LPG nakaamba ang pagtaas ng presyo

MANILA, Philippines - Matapos na magpa­iral ng rollback sa ka­nilang pro­duktong diesel at kero­sene ang ilang kompanya ng langis ay nagbabala naman ang dealer ng lique­fied petro­leum gas ng pagtataas ng presyo ng cooking gas sa susunod na buwan ng Abril.

Ang aksyon ay ipina­ra­ting ng LPG Marketers Association (LPGMA) dahil sa panibagong pagtaas ng contract price nito sa world market. Sinabi ni LPGMA pre­sident Arnel Ty, ang P1 rollback na ipinairal ng kan­yang grupo noong naka­lipas na linggo ay pinakahuli na ngayong buwan ng Marso.

Idinagdag pa ni Ty, ang LPG price hike ay ina­asa­han pang magpa­pa­tuloy sa unang da­lawang linggo ng buwan ng Abril subalit hindi singtaas ng kanilang calculations.

Sa Latest monitoring ng LPGMA ang bansang China ay patuloy ang pag-iipon ng LPG stock ma­tapos na ang contract price nito sa world market ay umabot sa $450 per metric ton at tumigil nang pumalo sa $600 per metric ton.

Inamin ni Ty na isang oil firm sa bansa ang na­simula nang i-divert ang kanilang produkto sa ban­sang China, dahilan upang tumaas ang demand ng produktong petrolyo dito.

Ayon kay Ty, pagtaas ng contract prices ng LPG sa international market ay naging daan sa Organi­zation of Petroleum Ex­porting Countries na mag­bawas ng produksyon para mapanatili ang bagong presyo.

Noong nakalipas na linggo ay nagpatupad ng P2 per kilograms na roll­back ang LPGMA o ka­tumbas ng P22 per 11 kilo­grams na tangke kung saan ay umabot sa P8 ang ibinaba kada kilo simula sa buwan ng Pebrero.

Ang LPGMA ay nag­su-supply ng 30% ng cooking gas sa buong Luzon area tulad ng Pinnacle Gas, Re­gasco Gas, M-Gas, Cat Gas, Omni Gas, Nation Gas, at Island Gas. (Ricky Tulipat at Rose Tamayo-Tesoro)