Sekyu kinatay ng kainuman

MANILA, Philippines - Wakwak ang tiyan ng isang 29-anyos na security guard ma­tapos saksakin habang nag­sasayaw ng isang kainuman, kamakalawa ng gabi  sa Tondo, Maynila. Binawian ng buhay sa Gat Andres Bonifacio Hospital ang biktimang si Joseph Fuentes, alyas “Erap”, ng Gate 20, Area-H, Parola Compound, Tondo, bunga ng tinamong saksak sa tiyan.

Isang alyas “Ditoy Quling”, ang sinasabing pumaslang sa biktima at   ma­bilis tumakas ma­tapos ang isinagawang krimen. Sa ulat ng pulisya, dakong alas-9 ng gabi nang maganap ang insidente sa may Gate 20, Area-H, Parola Compound.

Nabatid na naki­pag-inuman ang biktima, na umano’y off-duty kasama ang mga kaibigan. Nang magpa­simula umanong sumayaw ang biktima ay nag­sunuran namang nagsayawan ang iba pang kainuman nang bigla na lamang lapitan umano ng suspect at walang sabi-sabing sanaksak sa tiyan.

Hindi pa matukoy ng pu­­lisya kung may iba pang mo­tibo maliban sa posibleng pag­kaasar ng suspect sa pagsa­sayaw nito.   (Ludy Bermudo)