Kelot 'tinarget-practice' ng 2 sekyu, todas

MANILA, Philippines - Patay ang isang kelot ma­tapos na gawin itong “target practice” o sunud-sunod na pa­pu­tukan ng shotgun ng dala­wang guwardiya nang maaktu­han umano ng mga huli ang una na namumulot ng mga bakal sa loob ng binabantayan nilang kom­panya, kahapon ng ma­daling-araw sa Navotas City.

Halos mawarak naman ang katawan ng biktimang si Mar­celino Grey, 26, ng Jewel St., San Jose ng nabanggit na lungsod kung saan namatay ito noon din sa mismong pinang­yarihan ng insidente sanhi ng mga tama ng bala sa iba’t ibang parte ng kan­yang katawan.

Pinaghahanap naman ng pulisya ang mga guwardiyang ki­nilala lamang sa mga panga­lang SV Miraflor at RT Drafer ng Josefa Company na nasa Jewel St., San Jose, Navotas City.

Batay sa ulat ng pulisya, dakong alas-3:30 ng madaling-araw, nagroronda ang mga guwardiya sa loob ng nasabing kompanya nang makita ng mga ito si Grey na namumulot ng mga bakal.

Agad namang sinita ng da­lawang gwardiya si Grey su­ balit nagtatakbo ito na naging dahi­lan upang agad na pagba­barilin na ito ng mga una gamit ang ka­nilang mga bitbit na service shotgun. (Rose Tamayo-Tesoro)