P11 pang rollback sa LPG, ikinasa

MANILA, Philippines - Muli na namang nag­pa­tupad ngayong araw (Sabado) ng P1 price re­ duction sa kada-kilo o P11 sa kada-11 kg tang­ke ng liquefied petro­leum gas (LPG) ang mga in­de­pendent dealers ng natu­rang produkto.

Ayon kay Arnel Ty, pre­sidente ng Liquefied Pet­roleum Gas Mar­keteers Association (LPGMA), ang naturang panibagong rollback sa kanilang LPG ay bunga na rin ng patuloy na pag­baba ng presyo nito sa world market.

Dagdag pa ni Ty, dahil sa naturang panibagong price adjustment, simula ngayong araw ay aabot na lamang sa P467 ang presyo ng bawat-11 kg tangke ng LPG.

Una nito, noong naka­raang Miyerkules ay P1 sa kada-kilo rin ng ka­nilang LPG ang una ng ipinatupad na rollback ng LPGMA.

Umaasa naman si Ty na ilalabas na ng ilan pang dealers ang ka­nilang mga itinatagong stocks ng LPG dahil kung hindi ay tiyak na malulugi ang mga ito dahil pababa na ang presyo at benta­han ng nasabing cooking gas.