Parak sinentensyahan

MANILA, Philippines - Pinatawan ni Quezon City Regional Trial Court Branch 81 Judge Teresa dela Torre-Yadao ng pitong taong pagkakabilanggo si P/Supt. Jose Santos Menor at pamangkin nitong si Christian Baque dahil sa pamamaril nila kay SPOI Luis Caparuso noong 2005 na bunsod ng pagtatalo sa simpleng traffic violation. Pinagbabaril si Caparuso ng mga suspek sa Fairview, Quezon City nang tikitan ng una ang huli. Dahil dito’y pinagbabayad ang mga huli ng P325,000 bilang danyos. (Angie dela Cruz)

2 fetus sa simbahan

MANILA, Philippines - Natagpuan sa loob ng Paco Church at gilid ng Sta. Cruz Church sa Maynila ang dalawang fetus na ang isa ay tinatayang nasa 6-7 buwan dakong alas-2 ng hapon kahapon kung saan nakasillid ito sa kulay green na plastic. Ayon sa pulisya, di pa mabatid ang edad ng fetus na natagpuan sa gilid ng simbahan ng Sta. Cruz. (Ludy Bermudo)

Technician nangholdap

MANILA, Philippines - Nadakip at kinuyog ng taumbayan ang 30-anyos na technician na si Marlon Calandoc nang maaktu­hang nanghoholdap at nananakit sa biktimang si Claudine Baduel, 16, kahapon ng hapon sa panulu­kan ng Fidel at Del Fierro Streets, Tondo, Maynila. Pilit na hinablot ng suspek ang bag ng biktima na naglalaman Nokia 5300 at P15,000 cash ng biktima. (Ludy Bermudo)

Lola inatake

MANILA, Philippines - Dahil sa sobrang takot, inatake sa puso ang 63-anyos na si Virginia Montero makara­ang makita ang nasusunog na bahay malapit sa kan­yang tinutuluyan dakong alas-9:25 ng umaga sa Brgy. Balumbato, San Juan. Dahil sa takot na ma­damay ang kanilang bahay ay bigla na lang nanikip ang dibdib ng biktima at inatake sa puso. (Ricky Tulipat)

2 wanted nalambat

MANILA, Philippines - Bagsak-kalaboso sina Scot Curan, 21, at Ramon Zamora, 18, na kabilang sa mga most wanted sa Man­da­luyong dahil sa pagpatay ng mga ito sa isang Ronald Dela Cruz, 18. Dakong alas-7:30 ng umaga kahapon nang arestuhin ang una sa bisa ng arrest warrant ni Mandaluyong Regional Trial Court Judge Edwin Sorongon. Nakapiit ngayon ang mga suspek sa Mandaluyong Police-detention cell habang iniha­handa ang pagbabalik sa mga ito sa korte para muling harapin ang kanilang kaso. (Ricky Tulipat)

Katulong tinutugis

MANILA, Philippines - Kasalukuyang tinutugis ng pulisya ang 39-anyos na katulong na si Lalaine Conde matapos na tangayin ang P200,000 halaga ng mga ari-arian at cash ng kanyang amo na si Evelyn Panganiban, 50. Dakong alas-4 ng hapon nang tangayin ng suspek ang mga alahas at mamahaling gamit ng biktima. Sinalisihan ng suspek ang biktima pag-alis nito sa kanilang bahay sa Amparo Gate 2, Caloocan City. (Lordeth Bonilla)