Hiniwalayan ni misis, nagbigti

MANILA, Philippines - Isang 30-anyos na maintenance man na iniwanan ng kanyang asawa ang nagpa­ka­matay sa pamamagitan ng pagbigti sa sarili sa Pasig kahapon ng madaling-araw.

Ang biktima ay kinilalang si Joel Ferrer ng J.P Rizal St., Centenial II, Nagpayong, Pinagbuhatan ng naturang lungsod.

Ganap na alas-2:00 ng madaling-araw nang matag­puan ang labi ng biktima na nakabitin sa kisame ng kanyang bahay.

Lumilitaw na bago naga­nap ang pagpapati­wakal, nagkaroon ng hindi pagka­kaunawaan ang biktima at asawa nitong si Jacel noong Sabado ng gabi matapos na paghinalaan ng huli na may ibang babae ang una.

Ang pagtatalo ay nag­tulak umano sa babae na umuwi sa bahay ng kanyang nanay.

Ito ang sinasabing nag­tulak din sa biktima upang tapusin ang kanyang buhay kung saan nagtext pa uma­no ang una sa kanyang asawa ng katagang “hinus­gahan mo agad ako” bago ito nagpasyang magbigti. (Ricky Tulipat)