P14-milyon puslit na chargers at lighters nasabat ng Customs

MANILA, Philippines - Tinatayang P14 milyon ha­laga ng mga smuggled cell­phone chargers at lighters ang nasabat ng Bureau of Customs (BOC) kahapon sa Port of Manila.

Ang nasabing mga karga­mento ay nakalagay sa dala­wang magkahiwalay na con­tainer van buhat sa bansang China.

Ayon kay Deputy Commis­sioner Reynaldo Umali,ang naunang kargamento ay nagla­laman ng Lighters na tinatayang P10,266,507 na naka-consign sa Sea Dragon Trading kung saan nauna itong idineklara bilang 1190 karton ng hair elas­tic Nebulizer at Sponge Plunger.

Samantalang ang ikala­wang kargamento ay idineklara bilang mga Rack Stand, Filing cabinet, Papery trays at Battery charger, battery at packaging materials na nagkakahalaga ng P3,677,675 na naka-consign naman sa Echolane Inter­national Trading.

Sinabi naman ni Commis­sioner Napoleon Morales na ang nasabing operasyon ay ka­ugnay pa rin sa kanilang pro­gra­ma na Run after the Smugglers (RATS).

Inatasan na rin ni Morales ang malalim na imbestigasyon upang masampahan ng kasong kriminal at administratibo kung sino ang mga empleyado at opis­yal na sangkot sa smuggling sa BOC. (Gemma Amargo-Garcia)