Aircon Bus nagliyab

Isang provincial bus ang nasunog matapos na mag-over heat ang air­condition nito kahapon ng umaga sa Taft Avenue, Maynila.

Ayon kay PO2 Fer­dinand Leyba ng Manila Police District-Station 5, dakong alas-11:30 ng umaga nang magsimu­lang masunog ang BBL Transit bus na may plate no. AVK-756 at mina­ma­neho ni Edgar Panopio.

Sinabi ng konduktor ng bus na si Melandro Romo na, bago nagka­roon ng apoy ang liku­rang bahagi ng bus, bigla na lamang huminto ang sasakyan pero nang muli itong paandarin ay bigla na lamang itong nag-apoy habang nasa tapat sila ng Philippine Wo­mens University sa Nakpil St.

Napansin ni Romo na pagkatapos na huminto sa pagtakbo ang aircon ay may kumislap sa liku­ran bahagi ng bus at pagkatapos ay may na­amoy silang parang na­su­­sunog na kable kaya kaagad siyang naalarma at pinababa ang mga pasahero.

Kaagad nakatawag ng bumbero ang mga gu­wardiya ng PWU kaya hindi tuluyang naabo ang bus samantalang wala namang nasugatan sa may 20 pasahero dito. (Gemma Amargo-Garcia)