Negosyante umangal sa ordinansa sa alak

Kinondena kahapon ng mga negosyanteng may-ari ng mga bar, restaurant, o nightclub ang isang panu­kalang ordinansa na mag­hi­higpit sa pagbebenta ng alak sa Parañaque City.

Sinabi ng mga negos­yante na isang uri ng pa­ sanin sa kanilang ne­gosyo ang naturang ordi­nansa na inakda ni Kon­sehal Enrico Golez na nag-oobliga sa kanila na kumuha muna ng special permit bago maka­pagtinda ng mga nakaka­lasing na inumin.

Bukod pa ang naturang special permit sa iba pang lokal na buwis na binaba­yaran ng mga negosyan­teng nasa Parañaque City.

Ipinagbabawal din ng panu­kalang ordinansa sa mga bar o night clubs ang pagti­tinda ng alak mula alas-10 ng gabi hanggang alas-6 ng umaga.

Kung nais ng mga club owners na magbenta ng alak sa kanilang establisi­miyento, mula alas-10 ng gabi hanggang alas-12 lamang ng hatinggabi pahihintulutan ang mga ito at kailangang mag­bayad rin ang mga ito ng P50,000 para sa unang special permit­.

Kapag magtitinda na­man ng alak mula alas-12 ng hatinggabi hanggang alas-3 ng madaling-araw, magbabayad ang mga ito ng karagdagang P75,000 para sa pangalawang special permit na ayon pa sa mga negosyante ay mis­tulang “panggigipit” sa kanila. (Rose Tamayo-Tesoro)