Dedo sa kapitbahay
Agad na nasawi ang 24-anyos na binatang si Jhay-R Hasulin matapos na saksakin ito ng kapitbahay niyang si Jaime Manatad, 36, nang bigla umanong agawan ng una ang huli ng sinindihang sigarilyo kamakalawa ng gabi sa tapat ng bahay nito sa Caloocan City. Pinaghahanap naman ng pulisya ang suspek na agad na tumakas matapos ang insidente. (Rose Tamayo-Tesoro)
Traffic aide itinumba
Isang traffic enforcer ng Pasay City na si Jeorge Estropigan, 56, ang nasawi nang pagsasaksakin ni Randy Burgos, 21, matapos na dedmahin ng una ang pagbabawal ng huli na ligawan ang ina nito kamakalawa ng gabi habang nasa kasagsagan ng piyesta sa Pasay City. Agad naman na natunton ng pulisya ang suspek sa bahay ng kanyang ama sa Soldiers Hills Subd, Bacoor, Cavite. (Rose Tamayo-Tesoro)
2 grinipuhan
Namatay ang binatang si Manuel Isip habang sugatan naman si Jefrrey Venus, 37, matapos pagsasaksakin ng umano’y rugby boy na si Don Vega, 37, habang nakikipag-inuman ang una sa mga kaibigan nito sa Malate, Maynila, kamakalawa ng gabi. Bigla na lamang umanong lumapit ang suspek sa mga biktima at biglang sinaksak ang mga ito. Agad naman na dinakip ng pulisya si Vega matapos ang insidente. (Ludy Bermudo)
Grabe sa bespren
Malubha ang binatang si Edmond Caseres Jr., matapos saksakin ng matalik na kaibigang si Rolly Barredo dahil sa ninakaw umano ng una ang panghatak sa banyera ng huli kahapon ng madaling-araw sa Navotas. Agad din naman na naaresto ang suspek matapos ang insidente. (Rose Tamayo-Tesoro)