Kumbento ng madre pinasok ng Akyat-Bahay

Isang kumbento ng mga madre sa Tandang Sora, Quezon City ang nina­kawan ng mga hinihinalang miyem­bro ng Akyat-Bahay Gang kamakalawa ng gabi.

Kabilang sa nakuha ng mga mag­nanakaw sa kumbento ng Servant of Mary sa C-18 Don Felipe St., Tan­dang Sora ang dalawang Carrier aircon, micro­wave oven, electric thermos, digi­tal camera, mga mamahaling damit, mga alahas at P3,000 cash.

Sa ulat ni PO3 Darwin Salvador ng Talipapa police Station 3, dakong alas-9 ng gabi nang pasukin ng mga magnanakaw ang kumbento.

Ayon sa ilang saksi, lulan ng Toyota Innova at Avanza ang mga magna­nakaw na pawang nakasuot ng ma­garang damit nang pumasok sa kum­bento. Inakala nilang bisita ito ng mga madre.

Nadiskubre naman ang naganap na nakawan nang dumating kahapon ng umaga ang mga madre buhat sa ka­nilang major convent at nakitang bukas ang pinto at ilaw sa kanilang formation house. (Danilo Garcia)