Kano timbog sa droga sa NAIA

Isang American citizen ang inaresto ng mga tauhan ng Avia­tion Security Group (Avse­group) matapos na mahulihan ng hinihinalang ipinagbabawal na marijuana at drug parapher­nalia sa Ninoy Aquino Inter­national Airport (NAIA) kahapon ng umaga.

Ipinasa na ng Avsegroup sa Philiipine Drug Enforcement Agency ang suspect na kinila­lang si Martin Richard Camp­bell, 42, binata, ng Winilow Circle, Golffort, Mississipi, USA matapos ang isinagawang paunang pagsisiyasat dito.

Sa isinagawang imbestigas­yon ni SPO1 Jolly Guiling, da­kong alas-8:50 ng umaga nang mapigilin si Campbell habang dumadaan sa final check sa departure area.

Ayon kay Guiling, habang kinakapkapan ng nakatalagang screening officer na si Norberto Santiago ang nasabing Ameri­kano nang makuha sa bulsa nito ang isang tooter at isang maliit na plastic na nakapaloob ang umano’y pinatuyong mari­juana.

Dahil dito, agad na ipinag­bigay-alam ng nasabing body frisker sa mga nakatalagang ta­uhan ng Avesgroup sa depar­ture area ang narekober sa na­sabing pasahero sanhi upang pigilin ito at sumailalim sa pagsi­siyasat.

Napag-alamang patungo ang naturang dayuhan sa Pa­lawan at nakatakdang sumakay sa Air Philippines flight 2P-945 sa NAIA Terminal 3 nang ito ay ma­sabat. Inihahanda na ang pag­sa­sampa ng kaso laban dito.  (Ellen Fernando)