Sekyu 2 beses na-hit-and-run sa Edsa

Patay ang isang secu­rity guard makaraang dala­wang beses na ma-hit and run ng rumaragasang kotse at masagasaan pa ng kasunod na trak sa EDSA underpass sa Cu­bao, ka­ hapon ng madaling-araw.

Nakilala ang nasawi na si Renato Escuche Jr., 24, ng Julian Felipe St., Sa­ngan­daan, Caloocan City. Hindi na ito umabot ng buhay nang isugod sa East Avenue Medical Center.

Sa ulat ng Quezon City Traffic Sector 4, naganap ang aksidente dakong alas-3:30 ng madaling araw sa Cubao-EDSA under­pass. Sakay ang bik­tima ng kanyang Suzuki motorsiklo (7986-NR) nang unang bumangga umano ito sa poste ng Metro Rail Transit (MRT).

Dito naman ito nabang­ga ng kasunod na kotse na kumaladkad sa kanyang motorsiklo. Hindi pa naka­karekober, isang rumara­gasang trak naman ang tuluyang kumitil sa buhay nito nang sagasaan at ka­ladkarin siya at ang motorsiklo.

Kapwa tumakas na­man ang mga driver ng dala­wang nabanggit na sasak­yan na hindi napla­kahan ng mga nakasaksi sa insi­dente. (Danilo Garcia)