Isang umano’y amasona ang mahigpit na binabantayan sa isang ospital ng mga kagawad ng Manila Police District (MPD), matapos umanong masugatan sa pakikipag-engkwentro sa mga sundalo, noong Enero 3, 2009.
Kinilala ni Supt. Jimmy Tiu, hepe ng MPD-Station 8, si Myra Bautista, 22 , dalaga, ng Bgy Malabag, Silang Cavite, na ginagamot sa Lourdes Hospital, sa Sta Mesa, sanhi ng tama ng bala sa tiyan.
Sa ulat, natamaan ng ligaw na bala si Bautista nang magkagulo ang mga nag-iinu mang kalalakihan sa kanilang lugar sa pagitan ng ala-1:00-3:00 ng hapon noong Enero 3, 2009, sa Bgy. Malabag, Silang Cavite.
Sinabi ni Grace Labayo, pinsan ni Bautista, na matapos masugatan pinayuhan siya na isugod sa Lourdes Hospital ang pinsan mula Silang Cavite sakay ng isang Ford Fierra (UBE 771).
Subalit, taliwas ito sa natanggap na report ni Supt. Tiu mula kay Sr.Supt Primitivo Tavuara, RIID, Region 4- CALABARZON. Sinabi sa report na si Bautista ay kabilang umano sa mga nasugatan sa engkuwentro sa pagitan ng 418th PPMG at CTs/NPA sa Rodriguez, Rizal dakong alas- 12:55 ng madaling-araw noong Enero 3, 2009.
Bunga nito, mahigpit na pi nabantayan si Bautista sa mga kagawad ng MPD-station 8 upang hindi makatakas sa isasampang kaso. (Ludy Bermudo)