Echiverri nagpaalala versus sunog sa Bagong Taon

Pinag-iingat ni Caloo­can City Mayor Enrico “Recom” Echiverri ang pub­liko sa posibleng insi­dente ng sunog at pin­salang kaakibat ng papa­sok na Bagong Taon, ka­sabay ang paalala na ka­sado na ang paghahanda ng pamahalaang lungsod.

Itinaas naman ni Echi­verri sa alert status ang pamahalaang lungsod dahil sa mas maraming insidente ng sunog at kaso ng firecracker-related injury sa mga panahong ito.

Kaugnay nito, patuloy sa pagmo-monitor ang Caloocan City Health Department (CHD) sa limang malalaking pagamutan sa siyudad na tinaguriang sentinel hospitals.

Nauna nang namahagi ang mga kawani ng CHD ng “Iwas Paputok” poster sa 44 na public health center at 188 barangay hall, kasabay nang pagbibigay ng mga safety tips sa publiko.

Iniutos din ni Echiverri sa Reformed Department of Public Safety and Traffic Management (RDPSTM) ang mahigpit na pagpa­patupad sa Republic Act 7183 o An Act Regulating the Sale, Manufacture, Distribution, & Use of Firecrackers & Other Pyrotechnic Devices upang masi­guro ang kalig­tasan ng publiko, lalo na ng ka­ba­taan, laban sa mga ipinag­babawal at ilegal na pa­putok.

Kabilang na rito ang piccolo, watusi o dancing firecracker 5-star “Reben­tador,” “Kingkong,” pla-pla at boga o kanyong gawa sa tubo ng PVC.