100 kilo ng hot meat nasabat

Muling nagbabala ang National Meat Ins­pection Service (NMIS) ng Department of Agri­culture sa pagkalat ng mga hot meat sa mga pa­milihan ngayong Bagong Taon matapos na ma­sabat ang may 100 kilo ng mga ulo ng baboy na walang kaukulang pape­les, kahapon ng umaga sa Quezon City.

Sinabi ni NMIS-Metro Manila officer in charge Eduardo Oblena na ma­tagal na nilang sinusu­baybayan ang galaw ng nasakote nilang grupo matapos na makatang­gap ng impormasyon sa “gerilya type” nitong trans­portasyon ng karne.

Una umanong isina-sa­kay ang mga iligal na karne sa isang Fiera type na van at inililipat sa arki­ladong taxi upang ibiyahe naman patungo sa May­nila. Sinabi ng mga tauhan ng NMIS na ma­sangsang na umano ang amoy ng mga karne.

Nabatid pa na dinok­tor ang papeles na dala ng may-ari ng mga karne na si Solita Marola kung saan pinalabas na 10 ang isang baboy na kinatay at nabigyan ng inspection certificate upang maka­pag­biyahe ng mas ma­raming karne.

Sinabi naman ni Ma­sola na half cooked‚ na umano ang mga karne kaya may amoy at dadal­hin nila sa Blumentritt upang ibagsak sa ka­nilang mga kliyente. (Danilo Garcia)