ATM machine bantay-sarado sa pulisya

Minomonitor ngayon ng Pasig Police ang lahat ng mga Automated Teller Machine (ATM) sa lung­sod upang maiwasan ang mga insidente ng holdap at salisi dahil sa inaasahang withdrawals ng tao para sa pambili ng kanilang pang media noche.

Kasabay nito ay ipinag-utos rin ni Pasig Police officer in charge P/Supt. Ramiro Bausa ang pagta­ta­laga ng uniformed at naka-civilian na mga police sa mga strategical places ng mga ATM.

Ang kautusan ay ka­sabay ng pagkakaaresto ng mga kagawad ng SWAT kay Ferdinand Del­mendo, 40, ng Ronquillo St., Tropang Bagsik, Tipaz, Taguig City matapos nitong biktimahin si Fatima Mon­tong, 52, isang OFW, ng Brgy. Caniogan Pasig City.

Sa ulat, dakong alas-2:49 ng hapon nang ma­aresto nila ang suspek sa harap ng Automated Teller Machine (ATM) sa Mabini St., Brgy. Kapasigan.

Nabatid na nagwi­-with­draw ang biktima sa ATM ng Philippine National Bank (PNB) nang duma­ting ang suspek mula sa likuran ng biktima at nag-kunwaring kostumer.

Biglang lumapit ang suspek sa biktima at agad na pumindot sa ATM na kung saan ay naglabas ng 7 piraso ng P500 at 7 pi­raso naman ng P100 na uma­­abot naman sa P4,000.

Bagamat nabigla ay nakipag-agawan ang bik­tima sa suspek ng dampu­tin nito ang perang luma­bas sa ATM machine. Na­pansin naman ng nagpa­patrulyang SWAT ang ko­mosyon na agad rumes­ponde na ikinahuli ng suspek. 

Sa himpilan naman ng pulisya ay isa pang com­plainant ang dumating at positibong itinuro ang sus­pek na siyang kumuha ng kanyang P10,000 noong Nobyembre 18, 2008 da­kong alas-12 ng tanghali sa nasabi ring ATM machine. (Edwin Balasa)