Gasolinahan hinoldap

Hinoldap ng apat na armadong kalalakihan ang isang gaso­linahan sa Kalayaan Avenue kahapon ng madaling-araw.

Ayon sa ulat, aabot sa P20,000 ang natangay ng mga suspek sa Metro Oil gas station.

Sinasabing ang dalawa sa apat na suspek ay sakay ng isang motorsiklo samantalang ang dalawang kasama nito ay naglalakad lamang papunta ng gasolinahan.

Nang maka-puwesto na sa naturang gasolinahan, lumapit ang dalawa sa cashier at saka nagdeklara ng holdap. Matapos makuha ang naturang salapi agad ang mga itong tumakas.

Wala namang naiulat na nasaktan o nasugatan sa insidente.

Ang bagay na ito ay patuloy na iniimbestigahan ng pulisya. (Angie dela Cruz)