Binata sinaksak na, binaril pa ng nakakulitan

Sinaksak na, binaril pa hang­gang sa tuluyang ma­patay ang isang binata ng kanyang nakakulitan sa inu­man sa Ca­loocan City kama­kalawa ng gabi. Sa Tala Hospital na na­matay sanhi ng saksak sa dibdib at tama ng bala sa kaliwang braso si Reynaldo Colenayo, 39 ng Phase 8, Package 14, Excess Lot, Bagong Silang ng na­banggit na lungsod.

Nakatakas naman ang suspek na si Wilfredo Cabao­bao, kapitbahay ng biktima. Batay sa ulat, alas-9:30 ng gabi nang maganap ang insi­dente sa umpukan ng inuman na rito kasama ang biktima at suspect. Nagkakulitan umano ang dalawa hanggang sa dumam­pot ng kutsilyo si Cabaobao at tinarakan ng saksak ang biktima kung saan bago tumakas ay binunot pa nito ang dalang baril at pinutukan si Colenayo para masigurong mapapatay niya ito.

Dinala naman ang biktima sa nasabing ospital ng kan­yang mga kapitbahay. (Lor­deth Bonilla)