2 miyembro ng 'Gapos Gang', arestado

Arestado ang dalawa sa anim na suspek na kabilang sa Utol-Gapos Gang na bumik­tima sa mga negosyanteng intsik makaraang magsagawa ng follow-up operation ang pulisya sa San Juan City.

Kinilala ni Police Supt. Pro­copio G. Lipana, hepe ng San Juan PNP ang mga suspek na sina George Aguam, 38, biyudo, tubong-Occidental Mindoro at Henry Tavares, 37-, tubong Albay at kapwa kabilang sa sindikatong “Utol Gang” Rob­bery Gapos na sumasalakay sa Metro Manila.

Sa ulat, dakong alas-4:30 ng madaling-araw nang maaresto ang mga suspek sa may Cir­cumferential Road, Antipolo City.

Nabatid na nagsagawa ng follow-up operation ang pulisya sa drayber ng taxi na ginamit na get away vehicle ng mga sus­pek sa may paradahan ng Golden Boy Taxi Co. na mata­tag­puan sa Tanglaw St., Man­daluyong City na kung saan naaresto ang suspek na si Aguam.

Matapos ang isinagawang interogasyon kay Aguam ay sunod na naaresto ang ika­lawang suspek na si Tavares na nakuhanan ng kalibre .45 baril na may limang bala at hinihi­nalang ginamit sa krimen.

Magugunita na noong Dis­yembre 1 ay pinasok ng mga sus­pek ang bahay ng Chinese businessman na si Nestor Chua, 53-anyos, kung saan igina­pos siya at kanyang anak at dalawang kasambahay ng mga suspect bago kinulimbat ang kanilang mga gamit.

Pinaghahanap na ng pulisya ang apat pang kasama ng da­lawang nadakip na suspek. (Edwin Balasa)