1 pa grinipuhan, todas
Isang 60 anyos na lolong tsuper ng taxi ang hinoldap hanggang sa pinatay sa saksak ng hindi pa nakikilalang suspek kamakalawa ng gabi sa Valenzuela City.
Nagtamo ng maraming saksak sa mukha at katawan ang biktimang si Rudy Cuenca.
Sa ulat ni PO3 Ronald Subosa, may hawak ng kaso, dakong alas-9:50 ng gabi nang maganap ang insidente sa kahabaan ng Consolacion Street, Barangay Malinta ng nasabing lungsod.
Batay sa pahayag ng mga residente ng naturang lugar, nakita nilang nahulog sa kanal ang minamanehong taxi ng biktima na may pangalang Mer-Jun at plakang PWV-730.
Nilapitan nila ang taxi para tulungan ang driver na maiahon ang sasakyan kung saan naman ay agarang bumaba ang suspek para tumakas.
Nang silipin ng mga residente ang loob ng taxi ay nakita nilang nakasubsob ang biktima sa mismong driver seat na naliligo sa sariling dugo at wala ng buhay.
Mabilis na hinabol ng mga residente ang tumakas na suspek subalit hindi na nila inabutan. (Lordeth Bonilla)
- Latest
- Trending
