P22 pang tapyas sa presyo ng LPG

Muling nagpatupad ng P2 rollback sa presyo ng kada-kilo ng lique­fied petroleum gas (LPG) ang maliliit na dealers ka­ninang hating­gabi. 

Ayon sa LPG Mar­keters Association (LPGMA), dahil sa na­turang pinakahuling bawas sa presyo ng LPG ay dapat hindi na lalagpas sa P500 ang presyo ng kada-11 kg na tangke nito. 

Ayon kay LPGMA president Arnel Ty, sinabi nito na ang P2 bawas sa presyo ng kada-kilo ng LPG o P22 sa kada 11-kg na tangke ay naging epektibo si­mula alas-12 ng ha­tinggabi.

Maliban dito, nagbi­gay din ito ng indikasyon na masusundan pa ang nasabing rollback dahil sa patuloy aniyang pag­baba ng contract price nito sa world market. Mula aniya sa P516 ay magiging below P500 na ang presyo ng LPG dahil sa nasabing pani­bagong rollback.