Kampanya vs hot meat, pinaigting

Higit na pinalakas ng lokal na pamahalaan ng Pasay ang kampanya nito laban sa ma­pag­samantalang mga negos­yante na nagtitinda ng “hot meat” sa mga pampublikong pamilihan ng lungsod.

Dahil sa pagpasok ng Ka­paskuhan, tiniyak kahapon ni Pasay City Mayor Wenceslao “Peewee” Trinidad na puspu­san na ang ginagawang pag­ba­bantay ng mga tauhan sa Pasay City Public Market para i-mo­nitor ang mga ibineben­tang karne sa palengke.

Kaugnay nito, inatasan na rin ng Alkalde si City Vete­ri­narian chief, Dr. Ronald Ve­ na­sor na kumpiskahin ang mga “palusot” na karne na hindi dumaan sa slaughter house.

Magugunita na kamaka­ilan ay nakakumpiska ang mga ta­uhan ng City Veterinary Office ng 300 kilo ng double dead meat na ibinebenta sa murang halaga hanggang P70/kilo.

Nabatid na una ng binan­sagan ang Libertad Market ng Pasay City na “bagsakan” ng mga double dead na karne.            

Nanawagan naman ang dalawang opisyal sa mga re­sidente na makiisa sa kam­panya laban sa mga nagbe­benta ng hot meat na ipinalu­lusot ng mga tiwaling vendors. (Rose Tamayo-Tesoro)