Bonus sa QC itataas

Inutos kamakailan ni Quezon City Mayor Feli­ciano Belmonte ang pag­dadagdag sa bonus ng mga empleyado ng pa­mahalaang-lunsod para sa kapaskuhan.

Kaugnay nito, halos P1,000 hanggang P2,000 ang madadagdag sa Christ­mas bonus ng mga empleyado kumpara sa natanggap nila noong na­karaang taon.

Inaasahang matatang­gap nila ito bago lumagpas ang Disyembre 1.

Kasama rin sa mabi­big­yan ng bonus ang mga contractual employees ng pamahalaang-lunsod.

Samantala, pinalawig ng pamahalaang-lunsod ang educational assistance sa 350 kabataang nangangailangan ng es­pes­yal na proteksyon para tuluyan silang makisala­muha sa lipunan.

May P5 milyon ang inilaan para sa programa na nagkakaloob ng P1,500 allowance kada buwan sa loob ng 10 taon sa bawat bata na karamihan ay mga palaboy, biktima ng pang-aabuso at nagkasala sa batas.