Driver at konduktor na holdaper timbog

Kalaboso ang binag­sakan ng isang driver   at konduktor ng pampasa­herong dyip makaraang holdapin umano ng mga ito ang kanilang mga pasa­hero kamakalawa ng gabi sa Marikina City.

Kinilala ang mga sus­pek na sina Mark Joseph Morada 21, konduktor; at drayber na si Luisito Ramos, 39.

Ayon sa ulat, naaresto ang mga suspek dakong alas-8:30 ng gabi ng mag­pahayag ng holdap ang mga ito sa kahabaan ng Santos St. Brgy. Concep­cion Uno ng nasabing lung­sod. Nabatid sa mga bikti­mang pasahero habang dumadaan sila sa madilim na lugar ay naglabas ng jungle bolo ang konduktor na si Morada at nagpa­hayag ng holdap na ka­nilang ikinagulat. 

Subalit isa sa mga ito ay nakatalon at mabilis na nakapagsumbong sa nag­papatrol na pulisya dahilan upang rumisponde ang mga ito na ikinaaresto ng mga suspek.Nakuha sa pag-iingat ng mga suspek ang mga gamit at pitaka ng mga biktima ng makorner ng pulisya.

Kasong robbery-hol­dap ang kinakaharap ng mga suspek na kasaluku­yang nakapiit sa Marikina deten­tion cell. (Edwin Balasa)